كل عضو يحكي عن موقف طريف مرق فيه

كل عضو يحكي موقف طريف مر فيه

ما حدا منا ما مر بمواقف مضحكة
اكيد بوقتها شعرنا بخجل
وتمنينا الارض تنشق وتبلعنا

بس بالنهاية الموقف بيكون مضحك

وممكن الموقف بيكون حدث ما توقعنا

يعني اي موقف طريف بيخصكن
ما في شي محدد


يلااااااااااااااا
انا رح ابد واحكي عن موقف مريت في

بس كلكن بدكن تحكوا
والمشاركة اجبارية
مش اختارية
ههههههه


المهم انا اول ما طلعت عالجامعة
كنت شايفة حالي يا ارض اشتدي وما عليكي قدي
اي انو طلعت عالجامعة وصرت صبية
خصوصي انو انا مارسبت بحياتي ابدا
يعني طالعة بالعمر المطلوب
المهم انا الماما ما بتسمحلي البس كعب عالي
وكل شي بتشتريلي اياه بيكون كتير كعبو ناعم
او ما الو كعب اساسا

انا شو طلع براسي اني صرت تلميذة جامعة
وصبية وبدي البس اعلى كعب

واشتغل النق ، نق عالماما ليل نهار
وهي ما ترضى
تقلي انت طويلة ومنو ناقصك طول
ومنك عايزة تلبسي كعب
والكعب منو لعمرك بعدك صغيرة
واكيد كل هالحكي كان يدخل بدينتي اليمين ويطلع فورا من دينتي الشمال وما يدخل بعقلي نهائيا
فأعلنت الاضراب وانا ما في اشطر مني اول ما بأضرب بنقطع عن الاكل
وبقيت 3 ايام ما دقت الاكل
وامي تقلي كبري عقلك
وتعي كلي
وانا قلها ما باكل لتجبيلي سكربينة كعب عالي
كل رفقاتي يلبسوا هيك ( وطبعا هالحكي منو صحيح لانو قلال الي يلبسوا عالجامعة كعب عالي )

المهم واخيرا اقتنعت الماما
وجابتلي سكربينة وما رضيت حضرتي الا بأعلى كعب
جبتو شي 12 سنتمتر
وانا بحياتي مني لابسة كعب هيك
وبعد ما اشتريتها لبستها تاني يوم ورحت عالجامعة
الله لا يورجيكن الي شفتو
ولا يدوقكن الي دقتو
انا بيتي قريب من الجامعة بروح مشي
مشوار ربع ساعة
تفشكلت 100 مرة عالطريق
وصلت عجامعتي مني قدرانة امشي
وقعدت بالقاعة وشلحت سكربينتي
وبقيت حفيانة
بس اكيد ما خليت حدا ينتبه
كل هيدى بكفة
والرجعة عالبيت
بكفة تانية كيف بدي راجع مشي
ومني قدرانة البس السكربينو وامشي فيها
رجعت انا ورفيقتي
امشي دقيقة واوقف 5 دقايق لارتاح
وماسكة فيها لرفيقتي كرمال ما اوقع
والله ما حسيت طريق بيتنا طويل قد هيديك اليوم
وما عرفت كيف وصلت عمدخل البناية
انا ووصلت عالمدخل شلحت سكربينتي
وطلعت عالدرج حفيانة
وبقيت اسبوع ما عم اطلع من البيت لاني
مش قدرانة امشي
اما الشكربينة فحملتها الماما ورميتها
وقلتلي خرجك تستاهلي
ما بتسمعي الكلمة


يلا دوركن شو الموقف الي مرقتو في؟؟؟؟؟؟؟؟؟؟؟؟؟؟؟؟؟

يلا شاركوا

ولو ما حدا عندو موقف
واالله بزعل