فلنتعرف على تقاليد بعضنا

متل ما صرنا منعرف انو اعضاء المنتدى
كل واحد من بلد مختلف
فبعتقد لازم نستغل الفرصة
ونتعرف على تقاليد بعضنا وعلى ثقافة بعضنا

لانو اذا ضمن البلد الواحد
التقاليد تختلف من منظقة الى اخرى
فكيف من بلد لاخر

فكتير حلو انو الانسان يتعرف عثقافة وتقاليد غيرو
وما بتعرفوا يمكن تكتسب من بعضنا عادات جديدة
ونصير نطبقها بحياتنا

وببساطة كل واحد يدخل يحكي هو من اي بلد ومن اي منطقة
ويحكينا عن تقاليد منطقتو بشكل خاص وبلدو بشكل عام
انا رح ابدأ

انا من لبنان من شمال لبنان من منطقة طرابلس
طرابلس حسب ما عرفت من كتير ناس انو الدول الباقية
اخدة عنها فكرة انو متشددة ومتعصبة دينيا
وانو بنات طرابلس كلهن لابسين شدار ومغطايين عوجوهن
وانو شباب طرابلس كلهن شيوخ ومتعصبين دينيا

هالفكرة منها صح ابدا
وكتير غلط
اذا زرتوا طرابلس تتأكدوا

طرابلس مجتمع متل باقي المجتمعات يمكن هو متسمك بالتقاليد والعادات
اكتر من الباقي
وبرأيي هالشي حلو ومنو مأخذ على مدينة طرابلس
اهالي طرابلس مش متشددين ولا متعصبين دينيا
هن عادي متلهن متل باقي اهل السنة بكل العالم العربي
وطرابلس مش مجتمع سني مغلق
لا طرابلس فيها من كل الطوائف
وبحب خبركن انو في شارع بطرابلس
اسمو "شارع الكنائس" نسبة الى عدد الكنائس فيه
وبأكتر من موقع بمدينة طرابلس
بتلاقي المسجد قريب من الكنيسة
وبخبركن شي انا لما كنت بمدرستي
كنت اسمع صوت الاذان وبنفس الوقت صوت جرس الكنيسة
وصدقوني بنات طرابلس لا لابسين شدار ولا مغطايين عوجوهن
فعلا نسبة المحجبات بطرابلس كبيرة
بس حجاب عادي ولبس عادي
متل كل الناس
يعني انا مثلا وأغلب عيلتي متحجبين
بس لبسنا عادي وعالموضة

اما بالنسبة لشباب طرابلس
منهن لا متعصبين ولا متشددين
شباب عادي متل باقي الشباب

(بيني وبينكن بتمنى انو يكونوا متدينين
كنا عالقلية منرتاح من المعاكسة عالطريق)


وكمان الحلو بطرابلس انو في حال جار انعجب بجارتو
وهي بتصير كتير هههههههه
واذا هي صدتو
مستحيل يسمعها كلام بالطريق او يعاكسها
لانو يعتبر جارتو كرامتها من كرامة اختو
واذا حدا عاكسها هو يدافع عنها

وطرابلس منطقة اثرية فيها اثار كتير
شوارع طرابلس حجرانها اثرية
و طرابلس بتضم كذا منطقة منها
( القبة , التبانة , ابو سمرا , المينا ..)
ومرفا المينا هو منطقة كتير حلوة
و اهالي طرابلس بينزلوا بالصيف يسهروا عالكورنيش
في مطاعم بوظة (ايس كريم يعني ) وياكلوا ابوشار
الصيف بطرابلس بيجنن بتلاقي كل العالم
تبقى صاحية لبعد ال1 نص ليل
تلاقي البيوت مضاوية العالم عالبلاكين

لكن شهر رمضان
بطرابلس بيجنن
يعني بتلاقي العيل
تعزم بعضها
وكمان العالم تبقى واعية
لوقت السحور
وما حدا بينام
و قبل الفطور تكون العالم
كلها معجوقة بشغلها
وقبل ما يأذن المغرب
بتلاقي كل العالم عالبلاكين
ناطرين الاذان
اما اثناء الاذان بتصير المنطقة هادية
لانو الكل يفطر
اما بعد المغرب
بيرجع كأنه نهار
الرجال يروحوا عصلاة التراويح
وباقي العيلة تسهر عند بعضها
ويتمشوا بالشوارع
وياكلوا اشيا طيبة



اهالي طرابلس بيحبوا العلم كرمال هيك همهن الاول انو يعلموا
بناتهن وصبيانهن

واقرب المناطق تشابه مع طرابلس هي صيدا
من حيث طبيعتها وسكانها و تقاليدها


هلا الاكلات الطيبة
كلكن عارفين انو لبنان معروف
بالتبولة والكبة المشوية والكبة النية
وورق العنب
والفتوش مممممم شو بحب الفتوش
وكوسى بلبن وكوسى ببندورة
وباذنجان ببندورة
وملوخية ولوبيا وبيمة
وشيش برك
ومجدرة بحرية
وخليط كوسى
وكفتة ببندورة وكبة بالصينية
وكبة مقلية


هيدي بعض الاكلات الي منعملها
جعت بعد ما ذكرتها
ههههههههه

اذ بدي عددلكن كل الاكل ما بخلص
ههههههههههههههههه

شو ما حدا عندو شي يقولوا

السلام عليكم ورحمتو اللهي وبركاته
اختي اميره
انا اسمي معتصم بدران
من فلسطين ( القدس)
مقيم بالاردن
وقبل الاردن انا مواليد دولة الكويت وعشة طفولتي وشبابي بالكويت مع حرب الخليج
انا انسن متزوج واعيل عائله
انا صاحب محل نت ( مهندس كمبيوتر )
وعندي صالون حلاقه رجالي
انا بحب الرسم والعب والضحك .....
هل عندك اختي استفسارات اخرى
انا مستعد للمقابلة