ليلى والذئب في عصر النت

انه عصر النت شوفوا قصة ليلة والذئب من تاليف ريما
مرة ليلى كانت قاعدة بكافيتيريا هي وحبيبها
قام دق تليفون وكانت المامي باعتتلها مسج ت
خبرها فيه انو جدتها مريضة وبدها تبعتلها غدا وطلبت من ليلى تطلبو ديليفيري وتاخدو الها
وجدتها يا حرام كانت قاعدة بشاليه عالبحر للاستجمام
قام ليلى اتصلت بالمطعم وطلبت فاهيتا وكوردون بلو
وانتظرت الديليفري بوي ليجبلها الطلبية عالكافي الي عندها في رانديفو
المهم وصلت الطلبية
فقامت ليلى وراحت وطلبت تاكسي وكانت المامي قالتلها خدي سيرفيس لأنو امان اكتر
بس ليلى بدها توفر كرمال تروح عكافي نت
كرمال هيك ركبت تاكسي
المهم طلعت بالتاكسي وكان قاعد حدها شاب يجنن عيون زرق شعر سبايكي يعني جغل بكل معنى الكلمة
وبما انو ليلى بهالقصة منحرفة يعني عندها اكتر من 20 حبيب
ابن الجيران , صديق الطفولة , زميل الدراسة , رفيق اخوها , والباقي عالنت
فما كان عندها مشكل يصير العدد 21
المهم اطلعت بهالشاب ودابت بنظراتو
وهيدى الشاب لاحظ هالشي
فبلش ياخد ويعطي معها
ومن كلمة لكلمة سألها مدموزيل ليلى لوين رايحة ؟
قالتلو عالشاليه لعند جدتي
قلها اه وانا عنفس المحل
المهم ليلى بتصير تشم ريحة غريبة شوي وتحس بدوخة وبعدين غابت عن الوعي
ولما فاقت لقيت حالها مرمية عالرصيف
فعرفت انو الشاب نصاب وخافت على جدتها فركضت وخبرت البوليس
بهالوقت كان الشاب تنكر بتياب بنت وراح وفات عالشاليه وفرجاهن للأمن بطاقة ليلى للدخول فهن ما حدقوا بالصورة وسمحولوا يدخل
وطلع ودق الباب عأساس ليلى هلأ جدتها كان معها ضعف نظر ففتحت البيت عأساس ليلى قام هيدى الشاب ضربها عراسها وسرق الفيزا كارت ومفتاح سيارة الليموزين وهرب
بس بهالوقت البوليس وصل وقبضوا عالنصاب
وطلعت ليلى اطمنت عجدتها وقالتلها جدتي ليش فتحتيلو
قالتلها فكرتو انت يا بنتي
قام ردت ليلى ليش ما حطيت النظارات
قالتلها ولو يا بنت بنتي نظارات بالقرن العشرين انا بحط عدسات طيبة بس كنت مريحة عيوني منهن لأني بقيت ساعات احكي شات مع حبيبي الصيني شين شان شونغ


هي قصة ليلى ببساطة