حبيبي أرجوك اسمعني ..

حبيبي أرجوك اسمعني ..
أنا ماقدر على الكتمان ..
حبيبي الدمع في عيني ..
تعذبني اجاباتي ..
أحبك حب ماحبه بشر ..
في سالف الأزمان ..
أحبك للجنون ..
أرجوك اسمع آخر أبياتي ..
أبيك لظلمتي شمعة ..
وأبيك لظلمتي أوطان ..
وأبيك لقاربي مرسى .. يلملم آخر أشتاتي ..
تعال .. نرتب الماضي ..
حكاية كان ياماكان ..
تعال .. اعزف نغم عمري .. وانزف آخر آهاتي ..
تعال .. وعرشك بقلبي .. ولا غيرك أبد إنسان ..
تعال .. واقرا حروف الحب .. وشوف آخر معاناتي ..

أمانة ..
لا تخليني .. أصارع طرفك الفتان ..
أبي أجمع ورق شوقي ..
واضمه في كتاباتي ..
نهاية رحلتي بيدك .. دخيلك عدل الميزان ..
أما تروح وتنساني ..
ولا أدخل متاهاتي ..
ماينساك أبد قلبي ..
وهو ياحبيبي بيتك ..

ترى من حب أحد مثلك على فرقاه مايقدر ..
تظن أصبر على بعدك .. وانا من قلبي حبيتك ؟؟

ألا يامصعب الفرقة ..
وصعب اني أنا اتغير ..
من اللي جاب لك سيرة .. وقال اني تناسيتك ..
تناساني الهنا بعدك ..
وخلّى لهفتي تكبر ..

بعد مااخترت أنا حبك ..
على الخلان واغليتك ..
وبديتك على روحي ..
تظن أنساك .. لا مااقدر ..
تأكد وابعد ظنونك ..
مادام اني تمنيتك ..

يحــــن لوصــلك احــسـاسـي ..
كــثــر مـااشـتـاق لك واكثر ..