المكركروم

المكركروم


أحمر وبلون الدم

و واخدنا من هم لهم

و كروشنا و قروشنا أأأهم

مستورد يا مكركروم

مستورد من برة لبرة

و تعيشى يا بلادنا ياحرة

و ف قانا و ف غزة و درة

نضالنا بالمكركروم

يا غزة.. آه ليكى معزة

و لكنى مش أد الغزة

ضربوكى .. معلهش يا غزة

أنا جاهز بالمكركروم

باتفرج و بمص شفايف

و مظاهرة تأيد و تخالف

م الضربة الجاية أنا خايف

و باحضر ف المكركروم

اليافطة مليانة كلام

و شرفنا بقى ف الأوهام

و الشهدا صبحت أرقام

بتوفر فى المكركروم

المدنة ما بقتش دليلنا

أجراس كنايسنا و أناجيلنا

و ان ثرنا الجيش هيجيلنا

يرمينا بالمكركروم

انا مجدى بقى كله حضارة

و الحاضر حاضر بخسارة

و بيخطب و بكل جسارة

بيوزع ف المكركروم

الأرض بتتكلم عبرى

و الحرب الدايرة مش حربى

الشهدا هادفنهم جنبى

و الجرحى بالمكركروم

الجثة الجاية من المعبر

للجنة ماشية بتتمختر

و التلح الواقف مستخسر

تتعطر بالمكركروم

الفاضل ما بقاش فيه فاضل

الكلمة ما بقاتش تناضل

و لاغنوة من حلق مناضل

هتأثر فى المكركروم

ده شعار المنطقة و الجيرة

هات قطنة وشاشة وجبيرة

و اتباهى فى اخبار و جزيرة

هاتبرع بالمكركروم

****

منقــــــــــول

من ده الموهوم اللى بيوصف دم شهدائنا
بالمكركروم
وكمان بيسمى تضحياتهم ونضالهم
بالخوف والهموم
وبينادى يا بلادى تعيشى حرة
طيب ازاى بعد ما المدنه
ما بقتش دليلك وقلت
الانجيل بقى دليلك
خايف من الجيش
يجيلك وما خفت
رب العباد ياويلك
نصيحة ما تكتب
عن
صمود الشجعان
وخليك
عايش فى الاوهام
شكرا شوق العمر على
النقل