للنقاش: هل تقبلون الارتباط بشخص من بلد اخر او من طائفة اخرى

ان احببتم شخصا وكان من بلد مختلف اترتبطون به
او ان كان لن اقول من دين اخر (لانه محرم شرعا)
ولكن من طائفة اخرى ؟
ااتقبلون
اهل ستتحدون مجتمعكم
كيف تقنعون اهلكم

حبيبتي
اذا صار و حبيت شخص من غير بلدي اكيد رح ارتبط فيه بس على شرط انو يكون يبادلني نفس الحب لان الحب ما يعرف مسافات.
اما اذا كان من (طائفة او ديانة اخرى) ارتبط فيه على شرط انه يعتنق الاسلام دينا له و يتبع سنة نبينا الكريم سيدنا محمد عليه الصلاة و السلام قبل الارتباط و اذا ما وافق رح اتخلى عن حبي في سبيل ارضاء ربي لانو ما في محبة اقوى من محبة الله عز و جل.
و بالنسبة للمجتمع اكيد اتحداه لانها حياتي و انا الوحيدة الي اقرر مصيري.
و بالنسبة لأهلي اكيد رح القى طريقة اقنعهم فيها بشرط ما ازعلهم مني لان الاهل في الاول و الاخير رح يحترمو قراراتنا لانهم بيحبونا.
و في الاخير اشكرك كثير غاليتي لانك طرحتي الموضوع هذا.
اتمنى ما اكون طولت عليك.

بصراحة موضوع بستاهل انه الواحد يناقش فيه

اما انا عن نفسي فكون اني ارتبط بأنسان من غير بلدي فشي طبيعي جدا اذا ربطنا الحب و التفاهم

بس انه يكون من ديانة اخرى فأكيد بقطع علاقتي فيه من اول لحظة بحس اني بديت اتعلق فيه
لانه بالنهاية راح اوصل معاه لطريق مسدود
فأنا بسد الطريق من اولها و بريح راسي

بعدين يا ريما ما بظن في حد بستاهل تغيري ديانتك منشانه
يعني اذا ما كان الك خير بديانتك ما راح يكونلك خير بغيرهاا
و ماراح ينوبك الا تعصي اهلك و الديانة التابعة الهاا

اما عن تعدد الطوائف فهادا امر عادي
انه الواحد يرتبط من طائفه مش طايفته بالنهاية المهم لتنين
تابعين لنفس الدين

رشا
اول شي انا لما بطرح مووضع هالموضوع ما بيعني انو بيخصني
انا بطرح فكرة عامة
وبصراحة ردك استفزني لانو توجه لشخصي
وبحب اكدلك انو لا بخب حدا لا من ديني ولا من غير ديني
وفكرة الحب كلها منها موجودة براسي

وبتمنى ان يكون عندك سعة افق وما نتظري للموضوع من منظار ضيق على انو بيخصني انا
هو موضوع عام وانا ابعد ما يكون عنو
وتأكدي لو الموضوع متعلق فيي
بقول وما بخجل
ولا بخبي

رشا
اول شي انا لما بطرح مووضع هالموضوع ما بيعني انو بيخصني
انا بطرح فكرة عامة
وبصراحة ردك استفزني لانو توجه لشخصي
وبحب اكدلك انو لا بحب حدا لا من ديني ولا من غير ديني
وفكرة الحب كلها منها موجودة براسي

وبتمنى ان يكون عندك سعة افق وما نتظري للموضوع من منظار ضيق على انو بيخصني انا
هو موضوع عام وانا ابعد ما يكون عنو
وتأكدي لو الموضوع متعلق فيي
بقول وما بخجل
ولا بخبي

الحب بيتخطى كل المسافات والعقبات وما في شي بيوقف قدامو
بس الحب بحاجة لبيئة صحية لينمى ويكبر وبالنهاية اي حب نهايته الطبيعية هي الزواج وتأسيس عيلة
واختلاف الدين ممكن ما يكون عقبة بين تنين بيحبوا بعض بس رح يكون مشكلة بالمستقبل للاولاد رح يكونوا ضايعين بالهوية الدينية اضافة انو الاهل والاصحاب والمحيط الاجتماعي بشكل عام ما رح يتقبل هالشي واذا صارت معي شي مرة بحاول اقسى على حالي وانشغل قدر المستطاع عن التفكير بشخص علاقتي فيه ما الها هدف واضح

المشكلة فينا نحن وليست في الأهل عندما نحب بعضنا تكون نقاط الاختلاف نادرة أو معدومة لأن كل منا يعمى عن عيوب الآخر لكن بعد الزواج تبرز نقاط الاختلاف وتطفو على السطح ويصبح كل منا ينتظر الثاني على غلطة وتثار مواضيع كثيرة حول الدين وينبري كل واحد للدفاع عن طائفته وهكذا تتطور المشاكل لتؤدي في النهاية إلى الطلاق، لذا فأنه حتماً زواج محكوم بالفشل ألا في حالات قليلة، عدا عن ذلك أنا لا أحس بالأمان مع أبن طائفة أخرى وليس بالضرورة أني أحس بالأمان مع أبن طائفتي لكن يبقى اللوم علىّ أقل أي هناك احساس بعدم الأمان سيكون عندما أشعر بالغربة سواء بين أهلي الذين ينظرون ليّ على أني مرتبطة بشخص غريب عنهم أيضاً بين أهله الذين ينظرون إليّ على أني غريبة عنهم فلن تستطيعي تحرير عقول الجميع من هذه الناحية.

من الصعب انك تترتبط بشخص من بلد اخر مع ان البعض يتقبلها
ولكن اللاصعب والمستحيل لوكان من ديانة اخرى او حتى طائفة اخرى
لانو هالشي يغير من المعتقدات وتربية الاهل
وهاد رايي

يسلمو خواتي على ردودك وانا بايدكم كلكم لان الرسول عليه افضل الصلاة والسلام قال غربو النكاح

ريما كتب:

رشا
اول شي انا لما بطرح مووضع هالموضوع ما بيعني انو بيخصني
انا بطرح فكرة عامة
وبصراحة ردك استفزني لانو توجه لشخصي
وبحب اكدلك انو لا بخب حدا لا من ديني ولا من غير ديني
وفكرة الحب كلها منها موجودة براسي

وبتمنى ان يكون عندك سعة افق وما نتظري للموضوع من منظار ضيق على انو بيخصني انا
هو موضوع عام وانا ابعد ما يكون عنو
وتأكدي لو الموضوع متعلق فيي
بقول وما بخجل
ولا بخبي

و مين قال اني قصدتك بكلامي؟؟؟
حتى انا كتبت بشكل عام
و انا وقت اكتب عنك لانك صاحبة الموضوع
فكنت احكي و كأنه الموضوع عم يخصك
و انا متأكده انك بعيده كل البعد عنه
بس يمكن انتي مو متعوده على متل هل نوع من الخطابات
بتتعودي على اسلوبي مو مشكلة اموره
اهما شي لا تزعلي يا قمر